Presentación Un regalo de vida. La historia de 700, de David Gil.

Un regalo de vida. La historia de 700, en Vigo

O vindeiro mércores 24 de abril David Gil, presidente da Asociación FranGil, presenta o seu primeiro libro: Un regalo de vida. La historia de 700.

O autor estará acompañado por Llerena Perozo, editora, Belén Porteiro, xornalista, Alejandro Pérez Dávila, comunicador, e o músico Gustavo Almeida, que ofrecerá un breve concerto.

A presentación terá lugar no Colexio San José de Cluny (Rúa do Carballo, 46), ás 19.30h.

 

Sinopse de Un regalo de vida. La historia de 700

Este libro é un compendio de textos creados nos últimos dezasete anos e medio. Pequenos e grandes intres que ilustran etapas e momentos do camiño percorrido desde que Fran, irmán de David, fose diagnosticado de leucemia linfoblástica aguda ata o día da súa publicación, cando se cumpren catorce anos do seu pasamento e se celebra a décima edición da marcha solidaria 700 Camisetas contra la Leucemia.

Fran e David, primeiro fisicamente, despois xuntos doutra maneira, berraron aos catro ventos para concienciar de algo moi sinxelo: no interior de cada persoa está a menciña para que outra poida superar unha enfermidade devastadora.