Llerena Perozo Porteiro

Llerena Perozo, especialista en comunicación e na súa relación co xénero e co medio ambiente. No 2018 publica Unha gota é un océano.

Vigo, 1974. Especialízase en comunicación e na súa relación co xénero e co medio ambiente.

Entre outras actividades, foi asesora do conselleiro de medio ambiente e desenvolvemento sostible na Xunta de Galicia entre os anos 2005 e 2009, e posteriormente dirixiu dúas empresas dedicadas á comunicación cultural. Desde hai preto de vinte anos imparte talleres de comunicación para mulleres desde a perspectiva de xénero por todo o territorio galego, colabora con diversas organizacións feministas en temas de comunicación e habitualmente imparte conferencias sobre violencia de xénero, ecofeminismo e comunicación.
En 2018 publicou o libro Unha gota é un océano, destinado a divulgar e concienciar sobre a importancia da auga. En 2019 publicou Sementamos Igualdade, un manual práctico de bos usos orientado á divulgación dos conceptos de igualdade entre mulleres e homes e boas prácticas.