Eugenio Granell

Eugenio Granell foi un xenio integral de expresión moi polifacética, tanto nas artes como nas letras. Federica no era tonta forma parte do noso catálogo.

Eugenio Granell, (A Coruña, 1912 – Madrid, 2001). Foi un xenio integral de expresión moi polifacética, tanto nas artes (cultivou o debuxo, a colaxe, o gravado, a pintura, a escultura, a ensamblaxe, o deseño, a escenografía ou a música e o cine) como nas letras (cultivou o ensaio, o estudo, o artigo, o panfleto, a poesía, o conto e a novela). Pero fíxoo todo con amor e con humor alleos ao impositivo, ao dogmático, ao oportunista, ao falso, ao baleiro e ao solemne, comprometido sempre co humanismo liberacionista e antiautoritario na organización social e na vida cotiá. Efectivamente, a axitada existencia que lle tocou vivir en circunstancias tan difíciles como as da guerra civil española e a conseguinte ditadura militar (que o levarían a fuxir de Francia e a exiliarse en América) non impediu que a súa obra multiartística contase sempre co amor e o humor para afirmar as súas irrefrenables ansias de xustiza e liberdade sen límites. (Claudio Rodríguez Fer, Prólogo Federica no era tonta).